តើអាល់កុលផ្តល់ផលប៉ះពាល់ដូចម្តេចខ្លះចំពោះប្រព័ន្ធប្រសាទ? តើកាផេអ៊ិនមានឥទ្ធិពលលើប្រព័ន្ធប្រសាទដូចម្តេច? តើសារធាតុនីកូទីនមានឥទ្ធិពលលើប្រព័ន្ធប្រសាទដូចម្តេច?

- អាល់កុល៖ បន្ថយសកម្មភាពមជ្ឈមណ្ឌលប្រសាទដូចជាការវិនិច្ឆ័យ ការពិចារណា សតិ និងការប្រមូលអារម្មណ៍ថយចុះ។ នៅពេលប្រើប្រាស់អាល់កុលច្រើនហួស បំផ្លាញកោសិកាខួរក្បាល និងថ្លើម។
- កាផេអ៊ិន៖ បង្កើនល្បឿនសកម្មនៃមជ្ឈមណ្ឌលប្រសាទ។ នៅពេលប្រើកាផេអ៊ិនច្រើនហួសអាចបង្កើនអត្រាចង្វាក់បេះដូង និងបណ្តាលឱ្យរសាប់រសល់ ដំណើរញ័រៗ ដេកមិនលក់ ហើយកាផេអ៊ិនអាចជំរុញតម្រងនោមឱ្យផលិតទឹកនោមច្រើន។
- នីកូទីន៖ បង្កើនការបញ្ចេញអរម៉ូនអេពីណេព្រីន បង្កើនអត្រាចង្វាក់បេះដូង សម្ពាធឈាម អត្រាដង្ហើម និងការបញ្ចេញជាតិអាស៊ីតទៅក្នុងក្រពះ។