ចូរសង្ខេបវដ្តជីវិតរបស់អង់ស្យូស្ពែម?

វដ្តជីវិតរុក្ខជាតិមានផ្កា មានពីរដំណាក់កាលគឺ ដំណាក់កាលផ្កា និងដំណាក់កាលគ្រាប់។ ក្នុងដំណាក់កាលផ្កា មានកញ្ចុំកេសរឈ្មោលដែលមានប្លោកលំអង និងកញ្ចុំកេសរញីដែលមានអូវុល។ ក្នុងប្លោកលំអង កោសិកាមេ (មីក្រូស្ព័រ៉ូស៊ីត) ធ្វើចំណែកមេយ៉ូស បង្កើតបានតែកោសិកាកូន (មីក្រូស្ព័រ)។ ក្រោយរងចំណែកមីតូស កោសិកាកូនបង្កើតបានជាគ្រាប់លំអងដែលមានន្វៃយ៉ូ ២។ ក្នុងចំណោមន្វៃយ៉ូទាំងពីរ ន្វៃយ៉ូមួយធ្វើមីតូសបង្កើតបានជាស្ព័រម៉ាតូសូអ៊ុត ២។ ក្នុងអូវុលមានកោសិកាមេ (មេហ្គាស្ព័រ៉ូស៊ីត) មួយរងចំណែកមេយ៉ូស បង្កើតបានជាកោសិកាកូន (មេហ្គាស្ព័រ) ៤ តែ ៣ ត្រូវងាប់។ ក្រោយរងចំណែកមីតូស ៣ ដងបន្តបន្ទាប់គ្នា កោសិកាកូនផលិតបានថង់កំណដែលមានន្វៃយ៉ូ ៨ តែមានកោសិកា ៧ ក្នុងនោះមានអូអូស៊ីត ១ និងន្វៃយ៉ូប៉ូលែ ១។ ស្ព័រម៉ាតូសូអ៊ុត ១ រលាយជាមួយអូអូស៊ីតក្លាយជាស៊ីកូត ហើយលូតលាស់ជាអំប្រ៊ីយ៉ុង ចំណែកស្ព័រម៉ាតូសូអ៊ុតមួយទៀតរលាយជាមួយន្វៃយ៉ូប៉ូលែបានជាអាល់ប៊ុយមែន ហើយលូតលាស់ជាអង់ដូស្ពែម។ អំប្រ៊ីយ៉ុង និងអង់ដូស្ពែមស្ថិតនៅក្នុងគ្រាប់ ដែលត្រូវបានការពារដោយសំបក។ គ្រាប់ដុះបង្កើតបានជារុក្ខជាតិថ្មី។