+យោងតាមមាត្រា ២៧ នៃក្រមនីតិវិធីព្រហ្មទណ្ឌ ឆ្នាំ២០០៧ តួនាទីរបស់ចៅក្រមអយ្យការមានដូចតទៅ៖ ធ្វើការចោទប្រកាន់ពីបទល្មើសព្រហ្មទណ្ឌ សន្និដ្ឋានឲ្យតុលាការអនុវត្តច្បាប់ ធានារ៉ាប់រងការអនុវត្តសេចក្តីសម្រេចខាងបទព្រហ្មទណ្ឌ ធានាយកចិត្តទុកដាក់លើការផ្សព្វផ្សាយដីកាបង្គាប់ឲ្យចាប់ខ្លួន ដឹកនាំនគរបាលយុត្តិធម៌នៅក្នុងនីតិវិធីផ្សេងៗ ។ល។ +ចៅក្រម មានតួនាទី ចេញសេចក្តីសម្រេច អាចជាសាលក្រម ឬដីកាសម្រេច +ក្រឡាបញ្ជី គឺជានួយការរបស់ចៅក្រម ដែលមានតួនាទី៖ ជាអ្នកបច្ចេកទេសនៃកិច្ចនីតិវិធី និងជាជំនួយការចៅក្រម ព្រះរាជអាជ្ញា ក្នុងកិច្ចការយុត្តិធម៌ ជាអ្នកកត់ត្រាឲ្យចៅក្រមក្រម និងព្រះរាជអាជ្ញា នៅក្នុងដំណាក់កាលនីតិវិធីរបស់តុលាការ ប្រគល់ដីកាកោះ និងដីកាឲ្យដំណឹងពីសេចក្តីសម្រេចរបស់តុលាការទៅគ្រប់ភាគីពាក់ព័ន្ធ ដឹកនាំភាគីពាក់ព័ន្ធធ្វើសបថប្រណិធាន ធ្វើការងាររដ្ឋបាលផ្សេងៗនៅក្នុងនីតិវិធីតុលាការដូចជា
• ហៅឈ្មោះជនជាប់ចោទ ដើមបណ្តឹងរដ្ឋប្បវេណី អ្នកទទួលខុសត្រូវរដ្ឋប្បវេណី ជនរងគ្រោះ សាក្សី និងអ្នកជំនាញ ព្រមទាំងផ្ទៀងផ្ទាត់អត្តសញ្ញាណជនទាំងនោះ នៅពេលចាប់ផ្តើមសវនាការ
• អានបទបញ្ជាផ្ទៃក្នុងរបស់តុលាការ
• សរសេរកំណត់ហេតុសវនាការ រួមទាំងការប្រព្រឹត្តទៅរបស់តុលាការ។
