តើរដ្ឋាភិបាលលោក គ្លីមិន អាត់លី (គណបក្សការងារនិយម) ចាត់វិធានការយ៉ាងដូចម្តេចខ្លះដើម្បីស្តារជាតិនាក្រោយសង្គ្រាមលោកលើកទី២?

ចម្លើយ

ដើម្បីស្តារ និងកសាងជាតិឡើងវិញ រដ្ឋាភិបាលលោក គ្លីមិន អាត់លី បានចាត់វិធានការដូចខាងក្រោម៖

• វិធានការខាងសង្គម៖ អនុវត្តនយោបាយរដ្ឋឧបត្ថម្ភ ដើម្បីជួយសង្គ្រោះប្រជាជន ២៥លាននាក់ តាមរយៈការផ្តល់សេវាសុខភាព បង្កើតមន្ទីរពេទ្យព្យាបាល និងចែកចាយថ្នាំដោយឥតគិតថ្លៃ បង្កើតភ្នាក់ងារសុខភាពទូទាំងប្រទេស និងសាងសង់លំនៅឋានដើម្បីជៀសវាងសំណង់អនាធិបតេយ្យ។
• វិធានការដំណោះស្រាយវិបត្តិសេដ្ឋកិច្ច៖ ធ្វើជាតូបនីយកម្មលើរោងចក្រ ធនាគារ ផ្លូវដែក កំពង់ផែ ធនធានរ៉ែ និងធ្យូងថ្ម ព្រមទាំងរៀបចំខឿនឧស្សាហកម្មដើម្បីនាំចេញផលិតផល និងនាំចូលវត្ថុធាតុដើម ឬស្បៀងអាហារ។