ចូរពណ៌នាពីកត្តាសំខាន់ៗដែលធ្វើឲ្យរបបសាធារណរដ្ឋខ្មែរ (១៩៧០-១៩៧៥) ដួលរលំ។

កត្តាសំខាន់ៗដែលធ្វើឲ្យរបបសាធារណរដ្ឋខ្មែរ (១៩៧០-១៩៧៥) ដួលរលំ

• វិបត្តិសង្គម៖ ប្រជាជននៅទីក្រុងភ្នំពេញរស់ក្នុងភាពតូចចង្អៀត ដោយរងកង្វះអាហារ ជម្រក ការងារ ទំនិញឡើងថ្លៃ អតិផរណា អនាធិបតេយ្យភាព ចោរកម្ម អយុត្តិធម៌ ពុករលួយ និងភាពច្របូកច្របល់។
• កម្លាំងផ្ទៃក្នុង៖ រដ្ឋាភិបាលលន់ នល់ គ្រប់គ្រងបានតែទីក្រុង និងទីប្រជុំជន ខណៈដែលជនបទស្រែចម្ការគ្រប់គ្រងដោយបក្សកុម្មុយនីស្តកម្ពុជា (ខ្មែរក្រហម)។
• សេដ្ឋកិច្ច៖ របបនេះរស់ដោយសារជំនួយពីសហរដ្ឋអាមេរិក ដោយសេដ្ឋកិច្ចមិនអាចប្រកាន់បានដោយខ្លួនឯង។
• ការកាត់ផ្តាច់ផ្គត់ផ្គង់៖ ការដឹកជញ្ជូនស្បៀង និងសព្វាវុធរបស់សហរដ្ឋអាមេរិកត្រូវខ្មែរក្រហមកាត់ផ្តាច់ទាំងផ្លូវគោក និងផ្លូវទឹក។
• ការហ៊ុមព័ទ្ធ៖ ខ្មែរក្រហមធ្វើការហ៊ុមព័ទ្ធទីក្រុងភ្នំពេញ និងរឹតបន្តឹងការនាំស្បៀងចូលយ៉ាងខ្លាំង។
• ការចរចារបរាជ័យ៖ ការចរចាររវាងតំណាងសាធារណរដ្ឋខ្មែរ និងតំណាងសម្តេចនរោត្តម សីហនុ ត្រូវបរាជ័យ។
• ការដួលរលំ៖ ថ្ងៃទី ១ ខែមេសា ឆ្នាំ១៩៧៥ លោកលន់ នល់ បានភៀសខ្លួនទៅសហរដ្ឋអាមេរិក។ ថ្ងៃទី ១៧ ខែមេសា ឆ្នាំ១៩៧៥ កងទ័ពខ្មែរក្រហមចូលកាន់កាប់ទីក្រុងភ្នំពេញ។